وہ خوابوں میں تو آنا چاہتا ہے

وہ خوابوں میں تو آنا چاہتا ہے

مگر نیندیں اڑانا چاہتا ہے

جسے میں نے بچایا ظلمتوں سے

دیا میرا بجھانا چاہتا ہے

اسے کہنا تمہارا حال سن کر

کوئی آنسو بہانا چاہتا ہے

لبوں سے کچھ بھی کہتا ہی نہیں ہے

وہ آنکھوں سے جتانا چاہتا ہے

وہ دعوے اچھے دن کے کرکے عاقبؔ

ہمیں پاگل بنانا چاہتا ہے

wo khwabon mein to ana chahta hai

magar ninden urana chahta hai

jise main ne bachaya zulmaton se

diya mera bujhana chahta hai

use kahna tumhara hal sun kar

koi ansu bahana chahta hai

labon se kuchh bhi kahta hi nahin hai

wo ankhon se jatana chahta hai

wo daawe achchhe din ke karke aqib

hamen pagal banana chahta hai