بتاؤں کیا کسی سے دل میں کیا کیا ٹوٹ جاتا ہے

بتاؤں کیا کسی سے دل میں کیا کیا ٹوٹ جاتا ہے

کہ جب مفلس کے بچے کا کھلونا ٹوٹ جاتا ہے

یہ میری بد نصیبی ہے بتاؤں کس طرح تم کو

وہ جب سپنے میں آتے ہیں تو سپنا ٹوٹ جاتا ہے

بہت ہی مضطرب رہتا ہے وہ ہر پل زمانے میں

کہ جس انساں کا الفت سے بھروسہ ٹوٹ جاتا ہے

لگائے لاکھ چہرے پر کوئی چہرہ مگر سن لے

بہت دن تک نہیں رہتا مکھوٹا ٹوٹ جاتا ہے

زمیں آواز دیتی ہے محبت سے مجھے عاقبؔ

تو میرا چاند چھونے کا ارادہ ٹوٹ جاتا ہے

bataun kya kisi se dil mein kya kya tut jata hai

ke jab muflis ke bachche ka khilauna tut jata hai

ye meri bad nasibi hai bataun kis tarah tum ko

wo jab sapne mein ate hain to sapna tut jata hai

bahut hi muztarib rahta hai wo har pal zamane mein

ke jis insan ka ulfat se bharosa tut jata hai

lagae lakh chehre par koi chehra magar sun le

bahut din tak nahin rahta makhota tut jata hai

zamin awaz deti hai mohabbat se mujhe aqib

tu mera chand chhune ka irada tut jata hai