یوں زندگی کو زیر و زبر کر رہے ہیں ہم

یوں زندگی کو زیر و زبر کر رہے ہیں ہم

ہر دن ہی گردشوں میں بسر کر رہے ہیں ہم

منزل کی ہے تلاش مگر یہ خبر نہیں

کاغذ کی کشتیوں میں سفر کر رہے ہیں ہم

اے شب سنبھل کہ تیرے اندھیروں کی خیر ہو

خود میں تلاش نجم و قمر کر رہے ہیں ہم

کچھ حسرتوں کے قافلے کچھ خواہشوں کے گھر

بس خواب خواب ہی میں بسر کر رہے ہیں ہم

خورشید ہم کو تیری تمازت کا ڈر نہیں

اک تخم ناتواں کو شجر کر رہے ہیں ہم

تو رب کائنات ہے پروردگار ہے

سجدے تجھے ہی شام و سحر کر رہے ہیں ہم

ہم نے تلاش عشق میں ہاری ہے زندگی

اہل جنوں کو آج خبر کر رہے ہیں ہم

ہے مقصد حیات کہ منزل ملے صدفؔ

اس کی تلاش شام و سحر کر رہے ہیں ہم

yun zindagi ko zer-o-zabar kar rahe hain ham

har din hi gardishon mein basar kar rahe hain ham

manzil ki hai talash magar ye khabar nahin

kaghaz ki kashtiyon mein safar kar rahe hain ham

ai shab sambhal ke tere andheron ki khair ho

khud mein talash najm-o-qamar kar rahe hain ham

kuchh hasraton ke qafile kuchh khwahishon ke ghar

bas khwab khwab hi mein basar kar rahe hain ham

khurshid ham ko teri tamazat ka dar nahin

ik tukhm-e-natawan ko shajar kar rahe hain ham

tu rab-e-kainat hai parwardigar hai

sajde tujhe hi sham-o-sahar kar rahe hain ham

ham ne talash-e-ishq mein hari hai zindagi

ahl-e-junun ko aj khabar kar rahe hain ham

hai maqsad-e-hayat ke manzil mile sadaf

us ki talash sham-o-sahar kar rahe hain ham