ہم جو گزرے ہوئے لمحوں کی طرف دیکھتے ہیں

ہم جو گزرے ہوئے لمحوں کی طرف دیکھتے ہیں

ایسا لگتا ہے کہ صدیوں کی طرف دیکھتے ہیں

جن کو معلوم ہے نیندوں کے اجڑنے کا عذاب

جاگتی آنکھ سے خوابوں کی طرف دیکھتے ہیں

یاد آتا ہے ہمیں آپ کا چہرہ اکثر

ہم اگر چاند ستاروں کی طرف دیکھتے ہیں

منتظر ہوں گے کئی دن سے کسی کے شاید

لوگ حسرت سے جو رستوں کی طرف دیکھتے ہیں

اس کی اک بار نظر پڑنے پہ مغرور نہ بن

لوگ بازار میں کتنوں کی طرف دیکھتے ہیں

ایسی ترتیب سے زخموں کو سیا ہے میں نے

چارہ گر غور سے ٹانکوں کی طرف دیکھتے ہیں

ham jo guzre hue lamhon ki taraf dekhte hain

aisa lagta hai ke sadiyon ki taraf dekhte hain

jin ko maalum hai nindon ke ujarne ka azab

jagti ankh se khwabon ki taraf dekhte hain

yad ata hai hamen ap ka chehra aksar

ham agar chand sitaron ki taraf dekhte hain

muntazir honge kai din se kisi ke shayad

log hasrat se jo raston ki taraf dekhte hain

us ki ik bar nazar parne pe maghrur na ban

log bazar mein kitnon ki taraf dekhte hain

aisi tartib se zakhmon ko siya hai main ne

chara gar ghaur se tanikon ki taraf dekhte hain