کوئی تعبیر مرے خواب میں در آئی ہے

کوئی تعبیر مرے خواب میں در آئی ہے

جل پری جس طرح تالاب میں در آئی ہے

کیا زمیں اور زمانے کا سفر تھا دشوار

کیوں تھکن وقت کے اعصاب میں در آئی ہے

دیکھتا رہتا ہوں میں جانب افلاک کہ اب

اس کی صورت بھی تو مہتاب میں در آئی ہے

بات میں زہر ملایا ہے اسی دوری نے

تلخیٔ ہجر ادب آداب میں در آئی ہے

یہ ندی جس میں مری بستیاں بہہ جائیں گی

ہے یہ سیلاب کہ سیلاب میں در آئی ہے

وہ گھڑی جس نے بڑھایا ہے محبت کا وقار

دیکھ لے اب ترے ظہرابؔ میں در آئی ہے

koi taabir mire khwab mein dar ai hai

jal pari jis tarah talab mein dar ai hai

kya zamin aur zamane ka safar tha dushwar

kyun thakan waqt ke aasab mein dar ai hai

dekhta rahta hun main janib-e-aflak ke ab

us ki surat bhi to mahtab mein dar ai hai

bat mein zahr milaya hai isi duri ne

talkhi-e-hijr adab adab mein dar ai hai

ye nadi jis mein miri bastiyan bah jaengi

hai ye sailab ke sailab mein dar ai hai

wo ghari jis ne barhaya hai mohabbat ka waqar

dekh le ab tire zohrab mein dar ai hai