ہماری آنکھ میں منظر تمھارے روشن ہیں

ہماری آنکھ میں منظر تمھارے روشن ہیں

کہ جیسے نیلے فلک پر ستارے روشن ہیں

کسی نے آگ لگائی ہے ٹھہرے پانی میں

سلگ رہا ہے سمندر کنارے روشن ہیں

یہ صوت ہے کہ علامت ہے شمع محفل کی

یہ لفظ ہیں کہ نئے استعارے روشن ہیں

سنبھل کے مجھ کو قدم رکھنا ہوں گے دنیا میں

کنایہ کار ہے وہ آنکھ اشارے روشن ہے

کہیں کہیں تو وہ لو سر اٹھانے لگتی ہے

کبھی کبھی تو یہ لگتا ہے سارے روشن ہیں

کسی نے جھونک دیا ہے بدن کی دوزخ میں

تمام شعلے تمامی شرارے روشن ہیں

مجھے جلانا نہیں پڑتا اپنا دل ظہرابؔ

خدا کا شکر ہے میرے نظارے روشن ہیں

hamari ankh mein manzar tumhare raushan hain

ke jaise nile falak par sitare raushan hain

kisi ne ag lagai hai thahre pani mein

sulag raha hai samundar kinare raushan hain

ye saut hai ke alamat hai sham-e-mahfil ki

ye lafz hain ke nae istiare raushan hain

sambhal ke mujh ko qadam rakhna honge duniya mein

kinaya kar hai wo ankh ishare raushan hai

kahin kahin to wo lo sar uthane lagti hai

kabhi kabhi to ye lagta hai sare raushan hain

kisi ne jhonk diya hai badan ki dozakh mein

tamam shole tamami sharare raushan hain

mujhe jalana nahin parta apna dil zohrab

khuda ka shukr hai mere nazare raushan hain