دل سے تمہاری یاد گزارا کروں گا میں

دل سے تمہاری یاد گزارا کروں گا میں

تنہائی میں بھی تم کو پکارا کروں گا میں

جو اشک ہجر یار نے بخشا ہے آنکھ کو

کچھ دن میں اس کو اپنا ستارہ کروں گا میں

تب دیکھنا فلک کا بدلتا ہوا مزاج

جب چاند کو زمیں سے اشارا کروں گا میں

کیوں سانس بند ہوں گے مرے میرے حکم سے

کیوں بحر زندگی سے کنارہ کروں گا میں

میں راہ فکر و فن سے دیا لے کے علم کا

گزرا کروں گا خود کو گزارا کروں گا میں

اب مجھ پہ اصل ہار کا مطلب کھلا ہے دوست

اس کھیل میں تو جان کے ہارا کروں گا میں

خلق خدا سنوار سکے تاکہ خد و خال

ظہرابؔ آئنے کو سنوارا کروں گا میں

dil se tumhari yad guzara karunga mein

tanhai mein bhi tum ko pukara karunga mein

jo ashk hijr-e-yar ne bakhsha hai ankh ko

kuchh din mein us ko apna sitara karunga mein

tab dekhna falak ka badalta hua mizaj

jab chand ko zamin se ishara karunga mein

kyun sans band honge mire mere hukm se

kyun bahr-e-zindagi se kinara karunga mein

main rah fikr-o-fan se diya le ke ilm ka

guzra karunga khud ko guzara karunga mein

ab mujh pe asl har ka matlab khula hai dost

is khel mein to jan ke hara karunga mein

khalq-e-khuda sanwar sake take khad-o-khal

zohrab aine ko sanwara karunga mein