اپنے چہرے پر کئی چہرے لیے

اپنے چہرے پر کئی چہرے لیے

ہم بڑے ہی پارسا بن کر جیے

راز الفت کا چھپانے کے لیے

ضبط گریہ بھی کیا لب بھی سیے

جن میں چلتی ہیں ہوائیں تیز تیز

ایسی راہوں میں جلائے ہیں دیے

جو بھی ہیں اس بزم میں مدہوش ہیں

اور یہ مدہوشیاں ہیں بن پیے

آپ نے چھوڑے ہیں جو نقش قدم

وہ ہمارے حق میں ہیں روشن دیے

غم کے طوفانوں کی زد پر بے خطر

پھر جمالیؔ نے جلائے ہیں دیے

apne chehre par kai chehre liye

ham bare hi parsa ban kar jiye

raz-e-ulfat ka chhupane ke liye

zabt-e-girya bhi kiya lab bhi saye

jin mein chalti hain hawaen tez tez

aisi rahon mein jalae hain diye

jo bhi hain is bazm mein madhosh hain

aur ye madhoshiyan hain ban piye

ap ne chhore hain jo naqsh-e-qadam

wo hamare haq mein hain raushan diye

gham ke tufanon ki zad par be khatar

phir jamali ne jalae hain diye