قطرے میں دریا ذرے میں صحرا دکھائی دے

قطرے میں دریا ذرے میں صحرا دکھائی دے

وا دل کی آنکھ ہو تو تماشا دکھائی دے

تیری نظیر حسن و ادا میں کوئی نہیں

مجھ کو بتا دے کوئی جو تجھ سا دکھائی دے

اپنی برائیوں پہ اگر جائے گی نظر

دنیا میں ہر کوئی ہمیں اچھا دکھائی دے

چھانی ہے اس لئے رہ دیر و حرم کی خاک

شاید تمہارا نقش کف پا دکھائی دے

اپنی حیات عشق پہ ڈالیں اگر نظر

ناخوش گواریوں کا پلندہ دکھائی دے

گل کی ادا چمن میں جمالیؔ ہے دل پذیر

سینہ ہو غم سے چاک تو ہنستا دکھائی دے

qatre mein dariya zarre mein sahra dikhai de

wa dil ki ankh ho to tamasha dikhai de

teri nazir husn-o-ada mein koi nahin

mujh ko bata de koi jo tujh sa dikhai de

apni buraiyon pe agar jaegi nazar

duniya mein har koi hamen achchha dikhai de

chhani hai is liye rah-e-dair-o-haram ki khak

shayad tumhara naqsh-e-kaf-e-pa dikhai de

apni hayat-e-ishq pe dalen agar nazar

nakhush gawariyon ka palnda dikhai de

gul ki ada chaman mein jamali hai dil pazir

sina ho gham se chak to hansta dikhai de