زندگی کا ہے یہ بھی کوئی ڈھنگ

زندگی کا ہے یہ بھی کوئی ڈھنگ

نہ کوئی آرزو نہ کوئی امنگ

ہوش کا طور یا خرد کا رنگ

عاشقی کے لئے ہیں دونوں ننگ

عقل حیراں ہے اور فکر ہے دنگ

جلوہ اور وہ بھی سر بہ سر بے رنگ

صلح کل عشق کا ہر اک انداز

حسن کی ہر ادا پیام جنگ

ابھی جیتے ہیں اہرمن زادے

ابھی برپا ہے خیر و شر کی جنگ

اللہ اللہ یہ حسن کا عالم

پھول جیسے کھلے ہوں رنگا رنگ

قہقہے ان کے ساغروں کی کھنک

مسکراہٹ طلوع صبح کا رنگ

کتنی رنگین ہے غزل تیری

بندھ گیا بزم میں جمالیؔ رنگ

zindagi ka hai ye bhi koi dhang

na koi arzu na koi umang

hosh ka tur ya khirad ka rang

ashiqi ke liye hain donon nang

aql hairan hai aur fikr hai dang

jalwa aur wo bhi sar ba sar-e-be rang

sulh kal ishq ka har ik andaz

husn ki har ada payam-e-jang

abhi jite hain ahriman zade

abhi barpa hai khair-o-shar ki jang

allah allah ye husn ka alam

phul jaise khule hun ranga rang

qahqahe un ke sagharon ki khanak

muskurahat tulu-e-subh ka rang

kitni rangin hai ghazal teri

bandh gaya bazm mein jamali rang