ابھی تک تشنۂ تکمیل میری زندگانی ہے

ابھی تک تشنۂ تکمیل میری زندگانی ہے

ابھی تک انتظار دوست کی باقی کہانی ہے

یہ اپنی زندگی رمز من و تو کی کہانی ہے

نہ کچھ قرب مکانی ہے نہ کچھ بعد زمانی ہے

مرتب کر رہا ہوں داستاں حسن گریزاں کی

طبیعت میں بروئے کار دریا کی روانی ہے

تمہارا حسن بھی کامل ہمارا عشق بھی قابل

نہ اس کا کوئی ہمسر ہے نہ اس کا کوئی ثانی ہے

جمالیؔ یاس و حسرت کے سوا کچھ بھی نہیں پایا

یہ اپنی زندگی برگشتہ قسمت کی کہانی ہے

abhi tak tishna-e-takmil meri zindagani hai

abhi tak intizar-e-dost ki baqi kahani hai

ye apni zindagi ramz-e-man-o-to ki kahani hai

na kuchh qurb-e-makani hai na kuchh baad zamani hai

murattib kar raha hun dastan husn-e-gurezan ki

tabiat mein baru-e-kar dariya ki rawani hai

tumhara husn bhi kamil hamara ishq bhi qabil

na us ka koi hamsar hai na us ka koi sani hai

jamali yas-o-hasrat ke siwa kuchh bhi nahin paya

ye apni zindagi bargashta qismat ki kahani hai