ہو نظر ایسی کہ بس دل کی نگاہ تک پہنچے

ہو نظر ایسی کہ بس دل کی نگاہ تک پہنچے

دل میں اترے تو کبھی حال تباہ تک پہنچے

منزلیں ان کو ملا کرتی ہیں آسانی سے

تیرگی چھوڑ کے جو مشعل راہ تک پہنچے

اب تلک جیسی بھی گزری ہمیں منظور مگر

اب تو بن جائے کچھ ایسی کہ نباہ تک پہنچے

جیتنا عشق کی بازی کوئی آسان نہیں

عین ممکن ہے کوئی حسن گواہ تک پہنچے

تشنگی کو مری اعجاز عطا کر ایسا

زیر لب پیاس بڑھے ایسی کہ آہ تک پہنچے

عشق مسلک میں صدفؔ ایک ہی دستور ہے بس

زخم دل حد سے بڑھے اور کراہ تک پہنچے

ho nazar aisi ke bas dil ki nigah tak pahunche

dil mein utre to kabhi hal-e-tabah tak pahunche

manzilen un ko mila karti hain asani se

tirgi chhor ke jo mashal-e-rah tak pahunche

ab talak jaisi bhi guzri hamen manzur magar

ab to ban jae kuchh aisi ke nibah tak pahunche

jitna ishq ki bazi koi asan nahin

ain mumkin hai koi husn gawah tak pahunche

tishnagi ko miri ejaz ata kar aisa

zer-e-lab pyas barhe aisi ke ah tak pahunche

ishq maslak mein sadaf ek hi dastur hai bas

zakhm-e-dil had se barhe aur karah tak pahunche