ہجر میں جو اشک چشم تر گرا

ہجر میں جو اشک چشم تر گرا

اک پیام حال دل بن کر گرا

دوستوں کے طنز کا ایک ایک تیر

برق بن بن کر مرے دل پر گرا

جب اٹھایا بزم سے اس شوخ نے

میں اٹھا اٹھ کر چلا چل کر گرا

وائے اک مفلس کا تھا سب کچھ وہی

ان دنوں سیلاب میں جو گھر گرا

کیا غضب ہے زندگی کی دوڑ میں

راہزن آگے بڑھا رہبر گرا

hijr mein jo ashk-e-chashm-e-tar gira

ik payam-e-hal-e-dil ban kar gira

doston ke tanz ka ek ek tir

barq ban ban kar mire dil par gira

jab uthaya bazm se us shokh ne

main utha uth kar chala chal kar gira

wae ik muflis ka tha sab kuchh wahi

in dinon sailab mein jo ghar gira

kya ghazab hai zindagi ki daur mein

rahzan age barha rahbar gira