ہم غم زمانہ سے یوں نظر ملائیں گے

ہم غم زمانہ سے یوں نظر ملائیں گے

مشکلیں پڑیں گی جب اور مسکرائیں گے

پھر بہار آئے گی پھول مسکرائیں گے

پھر جنوں کے افسانے ہم کو یاد آئیں گے

ظاہری تپاک ان کا دے گیا ہمیں دھوکا

یہ سمجھ رہے تھے ہم دل سے دل ملائیں گے

آسماں کے سہ پارو تیز گام سیارو

عن قریب تم سے بھی ہم قدم ملائیں گے

جادوئی خرد ہے وہ یہ جنوں کی منزل ہے

تم ادھر نہ آؤ گے ہم ادھر نہ جائیں گے

وہ ہزار ٹھکرائے ہم سے روٹھ بھی جائے

زندگی کو خود بڑھ کر ہم گلے لگائیں گے

آج تو جمالیؔ کو بزم سے اٹھاتے ہیں

ایک دن ضرور اس کو آپ پھر بلائیں گے

ham gham-e-zamana se yun nazar milaenge

mushkilen parengi jab aur muskuraenge

phir bahar aegi phul muskuraenge

phir junun ke afsane ham ko yad aenge

zahiri tapak un ka de gaya hamen dhoka

ye samajh rahe the ham dil se dil milaenge

asman ke sah paro tez gam sayyaro

an qarib tum se bhi ham qadam milaenge

jadui khirad hai wo ye junun ki manzil hai

tum idhar na aoge ham idhar na jaenge

wo hazar thukrae ham se ruth bhi jae

zindagi ko khud barh kar ham gale lagaenge

aj to jamali ko bazm se uthate hain

ek din zarur us ko ap phir balaenge