ہم نے آپ کے غم کو ہم سفر بنایا ہے

ہم نے آپ کے غم کو ہم سفر بنایا ہے

یعنی زندگانی کو معتبر بنایا ہے

ہر غم زمانہ کو دل میں دی جگہ ہم نے

خوب جو ملا اس کو خوب تر بنایا ہے

اینٹ اور پتھر کا گھر نہیں ملا تو کیا

دشمنوں کے دل میں بھی ہم نے گھر بنایا ہے

احتیاط سیکھی ہے بے اصول لوگوں سے

ہم کو چند اندھوں نے دیدہ ور بنایا ہے

زیست کے گھروندے کو ہم نے اپنے ہاتھوں سے

عمر بھر بگاڑا ہے عمر بھر بنایا ہے

ham ne ap ke gham ko ham safar banaya hai

yaani zindagani ko motabar banaya hai

har gham-e-zamana ko dil mein di jagah ham ne

khub jo mila us ko khub tar banaya hai

int aur patthar ka ghar nahin mila to kya

dushmanon ke dil mein bhi ham ne ghar banaya hai

ehtiyat sikhi hai be usul logon se

ham ko chand andhon ne dida war banaya hai

zist ke gharaunde ko ham ne apne hathon se

umr bhar bigara hai umr bhar banaya hai