دل پہ کیسی یہ بپتا پڑی

دل پہ کیسی یہ بپتا پڑی

ہے رواں آنسوؤں کی جھڑی

پھر نظر اس نظر سے لڑی

آگے آگے ہے منزل کڑی

ذکر ان عارضوں کا حسیں

بات ان گیسوؤں کی بڑی

چھاؤں زلفوں کی پھر ڈھونڈ لو

دھوپ ہے سخت منزل کڑی

ان کو زیبا ہے ان کا محل

مجھ کو پیاری مری جھونپڑی

سوچ لے غم کا سودا نہ کر

غم جمالیؔ ہے نعمت بڑی

dil pe kaisi ye bapta pari

hai rawan ansuon ki jhari

phir nazar is nazar se lari

age age hai manzil kari

zikr in arizon ka hasin

bat un gesuon ki bari

chhaon zulfon ki phir dhund lo

dhup hai sakht manzil kari

un ko zeba hai un ka mahal

mujh ko pyari miri jhonpari

soch le gham ka sauda na kar

gham jamali hai nemat bari