گھر میں آرام کا سایہ نہیں رہنے دیتی

گھر میں آرام کا سایہ نہیں رہنے دیتی

اب تو تنہائی بھی تنہا نہیں رہنے دیتی

مفلسی کتنی خطرناک ہے تم کیا جانو

یہ سلامت کوئی رشتہ نہیں رہنے دیتی

یہ تو اچھا ہوا سانسوں پہ نہیں بس اس کا

ورنہ دنیا مجھے زندہ نہیں رہنے دیتی

چاہتی کیا ہے یہ آوارہ مزاجی میری

ایک مرکز پہ ہمیشہ نہیں رہنے دیتی

کیا بری شے ہے یہ شہرت کی ہوس بھی عالمؔ

اچھے اچھوں کو بھی اچھا نہیں رہنے دیتی

ghar mein aram ka saya nahin rahne deti

ab to tanhai bhi tanha nahin rahne deti

muflisi kitni khatarnak hai tum kya jano

ye salamat koi rishta nahin rahne deti

ye to achchha hua sanson pe nahin bas us ka

warna duniya mujhe zinda nahin rahne deti

chahti kya hai ye awara mizaji meri

ek markaz pe hamesha nahin rahne deti

kya buri shai hai ye shohrat ki hawas bhi alam

achchhe achchhon ko bhi achchha nahin rahne deti