نگاہ یار کا مجھ پہ خمار رہنے دو
Maham Khan (b. 1995)نگاہ یار کا مجھ پہ خمار رہنے دو
اب ان کے عشق کا مجھ کو شکار رہنے دو
جو روبرو ہو تو جی بھر کے دیکھ لینے دو
تم آج وعدۂ قول و قرار رہنے دو
یہ طے ہے ساعت فرقت کا غم بھی سہنا ہے
فصیل عشق میں راہ فرار رہنے دو
سبق نہ مجھ کو سکھاؤ اب عقل و دانش کا
کہ میرا عاشقوں میں ہی شمار رہنے دو
چکا نہ پائیں گے تیرا یہ قرض مہر و وفا
سو کچھ دنوں کی محبت ادھار رہنے دو
یوں میرے سامنے تم جلوہ گر ہوا نہ کرو
جو مجھ میں حوصلہ ہے برقرار رہنے دو
جو شب کے آخری پہروں میں تم بھی ماہمؔ کو
پلٹ کے دیکھتے ہو بار بار رہنے دو
nigah-e-yar ka mujh pe khumar rahne do
ab un ke ishq ka mujh ko shikar rahne do
jo rubaru ho to ji bhar ke dekh lene do
tum aj waada-e-qaul-o-qarar rahne do
ye tai hai saat furqat ka gham bhi sahna hai
fasil-e-ishq mein rah-e-farar rahne do
sabaq na mujh ko sikhao ab aql-o-danish ka
ke mera ashiqon mein hi shumar rahne do
chuka na paenge tera ye qarz mehr-o-wafa
so kuchh dinon ki mohabbat udhar rahne do
yun mere samne tum jalwa gar hua na karo
jo mujh mein hausla hai barqarar rahne do
jo shab ke akhiri pahron mein tum bhi maham ko
palat ke dekhte ho bar bar rahne do