ہمیں خبر ہے وہ کیوں ہم سے اب نہیں ملتا

ہمیں خبر ہے وہ کیوں ہم سے اب نہیں ملتا

یہاں کسی سے کوئی بے سبب نہیں ملتا

پھر آفتاب کہاں اپنی روشنی بانٹے

نئے چراغوں میں حسن طلب نہیں ملتا

بتا رہی ہیں ادیبوں کے گھر کی تہذیبیں

وراثتوں میں سبھی کو ادب نہیں ملتا

میں جلنے لگتا ہوں تنہائیوں کے دوزخ میں

کبھی وہ میری ضرورت پہ جب نہیں ملتا

اداس مت ہو جو حاصل نہ کر سکا اس کو

کبھی کسی کو زمانے میں سب نہیں ملتا

ہے ذات آپ کی تخلیق دو جہاں کا سبب

نہ ملتے آپ ہمیں ہم کو رب نہیں ملتا

hamen khabar hai wo kyun ham se ab nahin milta

yahan kisi se koi be sabab nahin milta

phir aftab kahan apni raushni bante

nae charaghon mein husn-e-talab nahin milta

bata rahi hain adibon ke ghar ki tahziben

wirasaton mein sabhi ko adab nahin milta

main jalne lagta hun tanhaiyon ke dozakh mein

kabhi wo meri zarurat pe jab nahin milta

udas mat ho jo hasil na kar saka us ko

kabhi kisi ko zamane mein sab nahin milta

hai zat ap ki takhliq do jahan ka sabab

na milte ap hamen ham ko rab nahin milta