اس سے پہلے مری خواہش مجھے رسوا کر دے
Aalam Nizami (b. 1984)اس سے پہلے مری خواہش مجھے رسوا کر دے
عزت نفس کو خالق مرے زندہ کر دے
مجھ سے دنیا کی یہ حالت نہیں دیکھی جاتی
میرے مالک میرے احساس کو اندھا کر دے
دیکھ اچھا نہیں احباب کی غیبت کرنا
یہ عمل تجھ کو کسی روز نہ تنہا کر دے
آ نہ جائے کہیں لہجے میں تکبر یا رب
میرے بڑھتے ہوئے قد کو ذرا چھوٹا کر دے
شادمانی میں تری یاد نہیں آتی ہے
کوئی غم مجھ کو عطا میرے مسیحا کر دے
is se pahle miri khwahish mujhe ruswa kar de
izzat-e-nafas ko khaliq mire zinda kar de
mujh se duniya ki ye halat nahin dekhi jati
mere malik mere ehsas ko andha kar de
dekh achchha nahin ahbab ki ghibat karna
ye amal tujh ko kisi roz na tanha kar de
a na jae kahin lahje mein takabbur ya rab
mere barhte hue qad ko zara chhota kar de
shadmani mein tiri yad nahin ati hai
koi gham mujh ko ata mere masiha kar de