میرے خوابوں کو نگلنے کا ارادہ نہ کرے

میرے خوابوں کو نگلنے کا ارادہ نہ کرے

کہہ دو سورج سے نکلنے کا ارادہ نہ کرے

اس سے بڑھ کر کوئی محتاج نہیں ہو سکتا

گر کے جو شخص سنبھلنے کا ارادہ نہ کرے

جو ہواؤں کے مزاجوں سے نہیں ہے واقف

میرے ہم راہ وہ چلنے کا ارادہ نہ کرے

گفتگو زہر بھری سن لے جو انسانوں کی

سانپ بھی زہر اگلنے کا ارادہ نہ کرے

اپنی قسمت میں ہے منزل تو خود آ جائے گی

اب جنوں راہ بدلنے کا ارادہ نہ کرے

نیتیں صاف گھٹاؤں کی نہیں ہیں عالمؔ

چاند سے کہہ دو نکلنے کا ارادہ نہ کرے

mere khwabon ko nigalne ka irada na kare

kah do suraj se nikalne ka irada na kare

is se barh kar koi mohtaj nahin ho sakta

gir ke jo shakhs sambhalne ka irada na kare

jo hawaon ke mizajon se nahin hai waqif

mere ham rah wo chalne ka irada na kare

guftugu zahr bhari sun le jo insanon ki

sanp bhi zahr ugalne ka irada na kare

apni qismat mein hai manzil to khud a jaegi

ab junun rah badalne ka irada na kare

niyyaten saf ghataon ki nahin hain alam

chand se kah do nikalne ka irada na kare