بیاں غیروں سے اپنا غم کریں کیا

بیاں غیروں سے اپنا غم کریں کیا

نمک کو زخم کا مرہم کریں کیا

نئے موسم کے خاکے ہیں نظر میں

گذشتہ فصل کا ماتم کریں کیا

اترتا ہی نہیں ہے اس کا جادو

بتاؤ خود پہ پڑھ کر دم کریں کیا

اسے ہم کس طرح دل سے نکالیں

یہ دل سنتا نہیں تو ہم کریں کیا

ہم اس کی بے رخی کا ذکر کر کے

اسے کچھ اور بھی برہم کریں کیا

ہمیں جبراً ہی جینا پڑ رہا ہے

بتا اے گردش پیہم کریں کیا

غموں کی دھوپ میں جب جل چکے ہیں

خوشی کی چھاؤں کا عالمؔ کریں کیا

bayan ghairon se apna gham karen kya

namak ko zakhm ka marham karen kya

nae mausam ke khake hain nazar mein

guzishta fasl ka matam karen kya

utarta hi nahin hai us ka jadu

batao khud pe parh kar dam karen kya

use ham kis tarah dil se nikalen

ye dil sunta nahin to ham karen kya

ham us ki be rukhi ka zikr kar ke

use kuchh aur bhi barham karen kya

hamen jabran hi jina par raha hai

bata ai gardish-e-paiham karen kya

ghamon ki dhup mein jab jal chuke hain

khushi ki chhaon ka alam karen kya