عشق میرا ہے اگر رات کی رانی کی طرح

عشق میرا ہے اگر رات کی رانی کی طرح

حسن اس کا بھی ہے پھولوں کی جوانی کی طرح

اے مری جان وفا تیری وفاؤں کی قسم

تو مجھے یاد ہے نانی کی کہانی کی طرح

کیا کوئی سمجھے ترے حسن کی تہہ داری کو

مجھ پہ کھلتی ہے فقط مصرع ثانی کی طرح

کوچۂ دل سے گزرتی ہیں جو تیری یادیں

اشک بہتے ہیں مری آنکھوں سے پانی کی طرح

چاہتا جب ہوں کوئی نظم کہوں تیرے لئے

میں الجھ جاتا ہوں الفاظ و معانی کی طرح

ہے سوا کون ترے مجھ کو جو تسلیم کرے

میرے محبوب مری تلخ بیانی کی طرح

نہ کوئی شور شرابہ نہ کوئی ہلچل ہے

زندگی لگتی ہے ٹھہرے ہوئے پانی کی طرح

میں نے اس دل کی تجوری میں رکھا ہے عالمؔ

اس کی ہر چیز کو انمول نشانی کی طرح

ishq mera hai agar rat ki rani ki tarah

husn us ka bhi hai phulon ki jawani ki tarah

ai miri jan-e-wafa teri wafaon ki qasam

tu mujhe yad hai nani ki kahani ki tarah

kya koi samjhe tire husn ki tah dari ko

mujh pe khulti hai faqat misra-e-sani ki tarah

kucha-e-dil se guzarti hain jo teri yaden

ashk bahte hain miri ankhon se pani ki tarah

chahta jab hun koi nazm kahun tere liye

main ulajh jata hun alfaz-o-maani ki tarah

hai siwa kaun tire mujh ko jo taslim kare

mere mahbub miri talkh bayani ki tarah

na koi shor sharaba na koi halchal hai

zindagi lagti hai thahre hue pani ki tarah

main ne is dil ki tijori mein rakha hai alam

us ki har chiz ko anmol nishani ki tarah