کہاں تمام ابھی کربلا کا منظر ہے

کہاں تمام ابھی کربلا کا منظر ہے

ہمارے ساتھ نئے حوصلوں کا لشکر ہے

تجھے ہے شوق بہت ظرف ناپنے کا مگر

مرے رفیق یہ دریا نہیں سمندر ہے

اس انقلاب کو دنیا میں کون روکے گا

جو زلزلے کی طرح میرے دل کے اندر ہے

جو دیپ جلتا رہا رات بھر مری خاطر

مرے لئے تو وہی سورجوں سے بہتر ہے

زمین والے اسے صرف دیکھ سکتے ہیں

وہ چاند ہے اسے چھونا کہاں میسر ہے

ترے بغیر بھی دیوار و در چمکتے ہیں

ترے بغیر بھی گھر کا دیا منور ہے

kahan tamam abhi karbala ka manzar hai

hamare sath nae hauslon ka lashkar hai

tujhe hai shauq bahut zarf napne ka magar

mire rafiq ye dariya nahin samundar hai

is inqilab ko duniya mein kaun rokega

jo zalzale ki tarah mere dil ke andar hai

jo dip jalta raha rat bhar miri khatir

mire liye to wahi surajon se behtar hai

zamin wale use sirf dekh sakte hain

wo chand hai use chhuna kahan muyassar hai

tire baghair bhi diwar-o-dar chamakte hain

tire baghair bhi ghar ka diya munawwar hai