راکھ ماضی کی کریدو گے تو کیا پاؤ گے

راکھ ماضی کی کریدو گے تو کیا پاؤ گے

کوئی چنگاری نکل آئی تو جل جاؤ گے

ایک قطرہ بھی اگر ہو تو بچا کر رکھنا

خون کا قحط پڑے گا تو کہاں جاؤ گے

ہو لگی مغربی تہذیب کی مہندی جس میں

کیسے اس ہاتھ سے تلوار اٹھا پاؤ گے

جس سے وابستہ ہے اجداد کی عظمت کا بھرم

اس حویلی کو جو بیچو گے تو پچھتاؤ گے

عہد حاضر میں وفاؤں کا نتیجہ کیا ہے

تم جو عالمؔ سے ملو گے تو سمجھ جاؤ گے

rakh mazi ki kuredoge to kya paoge

koi chingari nikal ai to jal jaoge

ek qatra bhi agar ho to bacha kar rakhna

khun ka qaht parega to kahan jaoge

ho lagi maghribi tahzib ki mehndi jis mein

kaise is hath se talwar utha paoge

jis se wabasta hai ajdad ki azmat ka bharam

is haweli ko jo bechoge to pachhtaoge

ahd-e-hazir mein wafaon ka natija kya hai

tum jo alam se miloge to samajh jaoge