دانستہ کبھی ایسی حماقت نہیں کرتا

دانستہ کبھی ایسی حماقت نہیں کرتا

فنکار ہوں توہین محبت نہیں کرتا

کیا راس اسے آئے گی دستار فضیلت

جو اپنے اصولوں کی حفاظت نہیں کرتا

اس دور میں ہم اس کو فرشتہ ہی کہیں گے

فاقوں میں جو غیرت کی تجارت نہیں کرتا

طوفان سے لڑنے کا اگر شوق نہ ہوتا

میں عظمت ساحل سے بغاوت نہیں کرتا

شاید ہے عزیز اس کو مری مفلسی عالمؔ

وہ میرے مقدر کی مرمت نہیں کرتا

danista kabhi aisi himaqat nahin karta

fankar hun tauhin-e-mohabbat nahin karta

kya ras use aegi dastar-e-fazilat

jo apne usulon ki hifazat nahin karta

is daur mein ham us ko farishta hi kahenge

faqon mein jo ghairat ki tijarat nahin karta

tufan se larne ka agar shauq na hota

main azmat sahil se baghawat nahin karta

shayad hai aziz us ko miri muflisi alam

wo mere muqaddar ki murammat nahin karta