کسی کے ذہن میں کیا ہے نظر نہیں آتا

کسی کے ذہن میں کیا ہے نظر نہیں آتا

مزاج پڑھنے کا سب کو ہنر نہیں آتا

ہر ایک شخص مسافر ہے ایسی منزل کا

جہاں سے کوئی کبھی لوٹ کر نہیں آتا

ہزاروں فن پہ یہاں دسترس ہے لوگوں کو

ہمیں سلیقے سے کوئی ہنر نہیں آتا

زبان و دل کی طہارت کا جائزہ لے لیں

جنہیں ہے شکوہ دعا میں اثر نہیں آتا

جسے سمجھتے ہیں آسان ہم بہت عالمؔ

ہمیں سمجھ میں وہی عمر بھر نہیں آتا

kisi ke zehn mein kya hai nazar nahin ata

mizaj parhne ka sab ko hunar nahin ata

har ek shakhs musafir hai aisi manzil ka

jahan se koi kabhi laut kar nahin ata

hazaron fan pe yahan dastaras hai logon ko

hamen saliqe se koi hunar nahin ata

zaban-o-dil ki taharat ka jaiza le len

jinhen hai shikwa dua mein asar nahin ata

jise samajhte hain asan ham bahut alam

hamen samajh mein wahi umr bhar nahin ata