کیسے کہہ دوں کہیں اعلان نہیں کرتا ہے

کیسے کہہ دوں کہیں اعلان نہیں کرتا ہے

وہ بھی خاموشی سے احسان نہیں کرتا ہے

دل کو تحریک ترقی تو بہت ملتی ہے

حوصلہ پھر بھی یہ نادان نہیں کرتا ہے

آپ کے نام سے منسوب ہوئے ہیں جب سے

اب ہمیں کوئی پریشان نہیں کرتا ہے

کام کرتا ہے بہت غیر ضروری لیکن

جو ضروری ہے وہ انسان نہیں کرتا ہے

ہے یہ ممکن ہو وہی شخص منافق عالمؔ

جو بظاہر کوئی نقصان نہیں کرتا ہے

kaise kah dun kahin elan nahin karta hai

wo bhi khamoshi se ehsan nahin karta hai

dil ko tahrik taraqqi to bahut milti hai

hausla phir bhi ye nadan nahin karta hai

ap ke nam se mansub hue hain jab se

ab hamen koi pareshan nahin karta hai

kam karta hai bahut ghair zaruri lekin

jo zaruri hai wo insan nahin karta hai

hai ye mumkin ho wahi shakhs munafiq alam

jo bazahir koi nuqsan nahin karta hai