پھر اپنا دل جلانا پڑ رہا ہے

پھر اپنا دل جلانا پڑ رہا ہے

کہ پچھلا غم پرانا پڑ رہا ہے

اسے ہم سے محبت ہو گئی ہے

ہمیں اس کو بتانا پڑ رہا ہے

جھکی نظروں سے اب جو چپ کھڑے ہو

کہو اب کیا چھپانا پڑ رہا ہے

بتانے کو جہاں کی قدر و قیمت

کئی لوگوں کو جانا پڑ رہا ہے

لڑائی وہ کہ اب اپنا گریباں

خودی سے خود چھڑانا پڑ رہا ہے

تمہارا ذکر چھڑ جانے کا ڈر ہے

سو باتوں کو گھمانا پڑ رہا ہے

چھپا کر دل میں زخم ہجر اپنا

ہمیں ہنسنا ہنسانا پڑ رہا ہے

جہاں رکھ کر قدم اٹھنا تھا ہم نے

وہاں اس کا سرہانا پڑ رہا ہے

مرے رستے کے سارے جگنوؤں کو

مری نظروں میں آنا پڑ رہا ہے

ذرا محتاط رہنا راستے میں

پرندوں کا ٹھکانا پڑ رہا ہے

ترے ہوتے ہوئے ماہمؔ فلک کو

ستاروں سے سجانا پڑ رہا ہے

phir apna dil jalana par raha hai

ke pichhla gham purana par raha hai

use ham se mohabbat ho gai hai

hamen us ko batana par raha hai

jhuki nazron se ab jo chup khare ho

kaho ab kya chhupana par raha hai

batane ko jahan ki qadar-o-qimat

kai logon ko jana par raha hai

larai wo ke ab apna gareban

khudi se khud chhurana par raha hai

tumhara zikr chhir jane ka dar hai

so baton ko ghumana par raha hai

chhupa kar dil mein zakhm-e-hijr apna

hamen hansna hansana par raha hai

jahan rakh kar qadam uthna tha ham ne

wahan us ka sarhana par raha hai

mire raste ke sare jugnuon ko

miri nazron mein ana par raha hai

zara mohtat rahna raste mein

parindon ka thikana par raha hai

tire hote hue maham falak ko

sitaron se sajana par raha hai