اے اندھیرے روشنی کی زد میں آنا چھوڑ دے
Aalam Nizami (b. 1984)اے اندھیرے روشنی کی زد میں آنا چھوڑ دے
آفتاب وقت پر انگلی اٹھانا چھوڑ دے
خود بخود محفوظ ہو جائے گی تیری آبرو
مغربی تہذیب سے خود کو سجانا چھوڑ دے
نسل نو میں حق پرستی کی صفت آ جائے گی
لقمۂ تر اپنے بچوں کو کھلانا چھوڑ دے
موج طوفاں سے نپٹنا خوب آتا ہے مجھے
میری کشتی کو بھنور آنکھیں دکھانا چھوڑ دے
قابلیت ہے اگر تجھ میں تو کچھ بن کر بتا
طنز کی تلوار دنیا پر چلانا چھوڑ دے
اے امیر شہر گھر میں روشنی کے واسطے
خون مفلس کا چراغوں میں جلانا چھوڑ دے
بول کر آتا نہیں انسان پر وقت زوال
میرے خستہ حال پر تو مسکرانا چھوڑ دے
ai andhere raushni ki zad mein ana chhor de
aftab-e-waqt par ungli uthana chhor de
khud bakhud mahfuz ho jaegi teri abru
maghribi tahzib se khud ko sajana chhor de
nasl-e-nau mein haq parasti ki sifat a jaegi
luqma-e-tar apne bachchon ko khilana chhor de
mauj-e-tufan se nipatna khub ata hai mujhe
meri kashti ko bhanwar ankhen dikhana chhor de
qabiliyyat hai agar tujh mein to kuchh ban kar bata
tanz ki talwar duniya par chalana chhor de
ai amir-e-shahr ghar mein raushni ke waste
khun muflis ka charaghon mein jalana chhor de
bol kar ata nahin insan par waqt-e-zawal
mere khasta hal par to muskurana chhor de