کبھی شفق تو کبھی گل کبھی جناں مہکے

کبھی شفق تو کبھی گل کبھی جناں مہکے

تمہارے نقش قدم بھی کہاں کہاں مہکے

کوئی امین صداقت ادھر سے گزرا ہے

قدم قدم پہ جو یوں راہ امتحاں مہکے

یہ کس کے نام کی خوشبو ہے میرے شعروں میں

نفس نفس ہے معطر مشام جاں مہکے

چمن بدوش وہ آئے مرے تصور میں

مرے خیال و معانی کا کل جہاں مہکے

یہ کس نے رخت سفر باندھنے کی ٹھانی ہے

زمین وجد میں ہے اور آسماں مہکے

جنہوں نے راہ صداقت میں اپنی جانیں دیں

پڑھو جو داستاں ان کی تو داستاں مہکے

kabhi shafaq to kabhi gul kabhi janan mahke

tumhare naqsh-e-qadam bhi kahan kahan mahke

koi amin sadaqat idhar se guzra hai

qadam qadam pe jo yun rah imtihan mahke

ye kis ke nam ki khushbu hai mere sheron mein

nafas nafas hai muattar masham-e-jan mahke

chaman badosh wo ae mire tasawwur mein

mire khayal-o-maani ka kal jahan mahke

ye kis ne rakht-e-safar bandhne ki thani hai

zamin-e-wajd mein hai aur asman mahke

jinhon ne rah sadaqat main apni janen den

parho jo dastan un ki to dastan mahke