موسم وقت بدلنا ہے بدل جائے گا

موسم وقت بدلنا ہے بدل جائے گا

اژدہا رات کا سورج کو نگل جائے گا

شیشۂ دل کی صفائی پہ توجہ دیجے

موسم وقت بہر حال بدل جائے گا

بس وہی دوستو اس دور کا موسیٰ ہوگا

راہ پانی میں بنا کر جو نکل جائے گا

ساتھ جو ماں کی دعائیں ہیں تو انشاءاللہ

حادثہ راہ میں آئے گا تو ٹل جائے گا

کیا خبر تھی کہ ذرا چین کے دن آتے ہی

میرے ہمسائے کا لہجہ ہی بدل جائے گا

لوگ آ جائیں گے مٹی کے حوالے کر کے

تیرے ہم راہ فقط تیرا عمل جائے گا

آنچ ایثار کے شعلوں کی دکھاؤ عالمؔ

سخت پتھر بھی جو ہوگا تو پگھل جائے گا

mausam-e-waqt badalna hai badal jaega

azhdaha rat ka suraj ko nigal jaega

shisha-e-dil ki safai pe tawajjoh dije

mausam waqt bahar hal badal jaega

bas wahi dosto is daur ka musa hoga

rah pani mein bana kar jo nikal jaega

sath jo man ki duaen hain to inshaallah

hadisa rah mein aega to tal jaega

kya khabar thi ke zara chain ke din ate hi

mere hamsae ka lahja hi badal jaega

log a jaenge mitti ke hawale kar ke

tere ham rah faqat tera amal jaega

anch isar ke sholon ki dikhao alam

sakht patthar bhi jo hoga to pighal jaega