تمام فتنوں سے خود کو بچا لیا میں نے

تمام فتنوں سے خود کو بچا لیا میں نے

منافقین سے پیچھا چھڑا لیا میں نے

نہ جانے کس لئے زحمت اٹھا رہے ہیں لوگ

دراز قد بھی جب اپنا گھٹا لیا میں نے

شناخت ہو سکے جس سے فریب کاروں کی

جناب والا وہ چشمہ لگا لیا میں نے

مری انا پہ ذرا بھی کہیں جو حرف آیا

تو آسمان کو سر پر اٹھا لیا میں نے

تجھے میں ترک کروں کس طرح غزل گوئی

تجھے تو زیست کا حصہ بنا لیا میں نے

ہوئے شکار جو احباب بد گمانی کے

انہیں بھی حسن وفا سے منا لیا میں نے

مسرتوں سے بہت گھٹ رہا تھا دم عالمؔ

غم حیات کو اپنا بنا لیا میں نے

tamam fitnon se khud ko bacha liya main ne

munafiqin se pichha chhura liya main ne

na jane kis liye zahmat utha rahe hain log

daraz qad bhi jab apna ghata liya main ne

shanakht ho sake jis se fareb karon ki

janab wala wo chashma laga liya main ne

miri ana pe zara bhi kahin jo harf aya

tu asman ko sar par utha liya main ne

tujhe main tark karun kis tarah ghazal goi

tujhe to zist ka hissa bana liya main ne

hue shikar jo ahbab bad gumani ke

unhen bhi husn-e-wafa se mana liya main ne

masarraton se bahut ghut raha tha dam alam

gham-e-hayat ko apna bana liya main ne