نظر تم پر پڑے تو مسکرانا بھول جاتے ہیں

نظر تم پر پڑے تو مسکرانا بھول جاتے ہیں

ہم اپنی داستان غم سنانا بھول جاتے ہیں

ہمیشہ سوچتے ہیں ہم اسے کھونا نہیں مشکل

ہم اپنی قوت دل آزمانا بھول جاتے ہیں

جہاں ساقی کا لمحے بھر کو بھی دیدار ہو جائے

جنون تشنگی کا وہ زمانہ بھول جاتے ہیں

یہ زنجیریں یہ پابندی نہیں کچھ فائدہ دیتیں

پرندے قید ہوں تو چہچہانا بھول جاتے ہیں

ابھرتے چاند کا منظر یا جلوے ہوں بہاروں کے

ترے آگے سب اپنا قہر ڈھانا بھول جاتے ہیں

غم بربادیٔ گلشن سے گل بھی اس قدر سہمے

دکھی چہرے پہ اک مسکاں سجانا بھول جاتے ہیں

بلندی سے گرانے کے لیے کوشاں ہیں جو ماہمؔ

فلک تیرا ازل سے آشیانہ بھول جاتے ہیں

nazar tum par pare to muskurana bhul jate hain

ham apni dastan-e-gham sunana bhul jate hain

hamesha sochte hain ham use khona nahin mushkil

ham apni quwwat-e-dil azmana bhul jate hain

jahan saqi ka lamhe bhar ko bhi didar ho jae

junun-e-tishnagi ka wo zamana bhul jate hain

ye zanjiren ye pabandi nahin kuchh faida detin

parinde qaid hun to chahchahana bhul jate hain

ubharte chand ka manzar ya jalwe hun baharon ke

tire age sab apna qahr dhana bhul jate hain

gham-e-barbadi-e-gulshan se gul bhi is qadar sahme

dukhi chehre pe ik muskan sajana bhul jate hain

bulandi se girane ke liye koshan hain jo maham

falak tera azal se ashiyana bhul jate hain