اس لئے تو بجھا نہیں ہوں میں

اس لئے تو بجھا نہیں ہوں میں

بجھنے والا دیا نہیں ہوں میں

جو بھی ہے سب مرا مقدر ہے

زندگی سے خفا نہیں ہوں میں

میری تعظیم کیوں کرے دنیا

آدمی ہوں خدا نہیں ہوں میں

آندھیوں سانس چل رہی ہے ابھی

جل رہا ہوں بجھا نہیں ہوں میں

بس ذرا تلخیاں مزاج میں ہیں

دوستو سر پھرا نہیں ہوں میں

لوگ جتنا برا بتاتے ہیں

یار اتنا برا نہیں ہوں میں

مسترد کر دے جس کو یہ دنیا

وہ غلط فیصلہ نہیں ہوں میں

مجھ کو اپنی تلاش ہے عالمؔ

خود سے اب تک ملا نہیں ہوں میں

is liye to bujha nahin hun main

bujhne wala diya nahin hun main

jo bhi hai sab mira muqaddar hai

zindagi se khafa nahin hun main

meri taazim kyun kare duniya

admi hun khuda nahin hun main

andhiyon sans chal rahi hai abhi

jal raha hun bujha nahin hun main

bas zara talkhiyan mizaj mein hain

dosto sar phira nahin hun main

log jitna bura batate hain

yar itna bura nahin hun main

mustarad kar de jis ko ye duniya

wo ghalat faisla nahin hun main

mujh ko apni talash hai alam

khud se ab tak mila nahin hun main