مادر ہند کی عظمت کا پتہ چلتا ہے

مادر ہند کی عظمت کا پتہ چلتا ہے

حسن کشمیر سے جنت کا پتہ چلتا ہے

قطرۂ آب کی قیمت کا پتہ چلتا ہے

دھوپ میں پیاس کی شدت کا پتہ چلتا ہے

جب بھی کاندھوں پہ اٹھاتا ہوں جنازہ کوئی

زندگی تیری حقیقت کا پتہ چلتا ہے

پاؤں ہو جاتے ہیں جب راہ وفا میں زخمی

تب کہیں عشق کی عظمت کا پتہ چلتا ہے

علم پر اپنے بہت جب کوئی کرتا ہے غرور

اس کے اندر کی جہالت کا پتہ چلتا ہے

اس کی تحقیق جب آتی ہے خلاؤں میں نظر

علم انسان کی طاقت کا پتہ چلتا ہے

جب نہیں ملتی ہمیں وقت ضرورت عالمؔ

تب کسی چیز کی قیمت کا پتہ چلتا ہے

madar-e-hind ki azmat ka pata chalta hai

husn kashmir se jannat ka pata chalta hai

qatra-e-ab ki qimat ka pata chalta hai

dhup mein pyas ki shiddat ka pata chalta hai

jab bhi kandhon pe uthata hun janaza koi

zindagi teri haqiqat ka pata chalta hai

paon ho jate hain jab rah-e-wafa mein zakhmi

tab kahin ishq ki azmat ka pata chalta hai

ilm par apne bahut jab koi karta hai ghurur

us ke andar ki jahalat ka pata chalta hai

us ki tahqiq jab ati hai khalaon mein nazar

ilm insan ki taqat ka pata chalta hai

jab nahin milti hamen waqt zarurat alam

tab kisi chiz ki qimat ka pata chalta hai