دل کیا دست ستم گر کے حوالے ہم نے

دل کیا دست ستم گر کے حوالے ہم نے

آئنہ کر دیا پتھر کے حوالے ہم نے

دیکھنے کے لئے موجوں کی وسیع النظری

تشنگی کی ہے سمندر کے حوالے ہم نے

دیکھ تو شوق شہادت کی تمنا ظالم

کر دیا سر ترے خنجر کے حوالے ہم نے

حرف تدبیر کی تفسیر سمجھنے کے لئے

نہ کیا خود کو مقدر کے حوالے ہم نے

اور کیا دوں میں سزا خواب محل کو عالم

زندگی کر تو دی چھپر کے حوالے ہم نے

dil kiya dast-e-sitam gir ke hawale ham ne

aina kar diya patthar ke hawale ham ne

dekhne ke liye maujon ki wasi alnnazari

tishnagi ki hai samundar ke hawale ham ne

dekh to shauq-e-shahadat ki tamanna zalim

kar diya sar tire khanjar ke hawale ham ne

harf tadbir ki tafsir samajhne ke liye

na kiya khud ko muqaddar ke hawale ham ne

aur kiya dun main saza khwab mahal ko alam

zindagi kar to di chhappar ke hawale ham ne