ابھی اس قصۂ غم کو نہ تم چھیڑو نہ ہم چھیڑیں

ابھی اس قصۂ غم کو نہ تم چھیڑو نہ ہم چھیڑیں

مریض عشق بے دم کو نہ تم چھیڑو نہ ہم چھیڑیں

گلستان محبت پر کہر سا چھا گیا جیسے

گلوں پہ رقص شبنم کو نہ تم چھیڑو نہ ہم چھیڑیں

محبت کے فسانے کا بھلا انجام کیا ہوگا

ابھی اس فکر باہم کو نہ تم چھیڑو نہ ہم چھیڑیں

اداسی کا گھنا سایہ ہے اس معصوم چہرے پر

ہاں اس کی زلف کے خم کو نہ تم چھیڑو نہ ہم چھیڑیں

اندھیری رات میں پھر سے قیامت ڈھا رہا ہے وہ

ندی میں عکس ماہمؔ کو نہ تم چھیڑو نہ ہم چھیڑیں

abhi is qissa-e-gham ko na tum chhero na ham chheren

mariz-e-ishq-e-be dam ko na tum chhero na ham chheren

gulistan-e-mohabbat par kohr sa chha gaya jaise

gulon pe raqs-e-shabnam ko na tum chhero na ham chheren

mohabbat ke fasane ka bhala anjam kya hoga

abhi is fikr baham ko na tum chhero na ham chheren

udasi ka ghana saya hai is maasum chehre par

han us ki zulf ke kham ko na tum chhero na ham chheren

andheri rat mein phir se qayamat dha raha hai wo

nadi mein aks maham ko na tum chhero na ham chheren