کیا بتاؤں کسی کو ہے کیا دوستی

کیا بتاؤں کسی کو ہے کیا دوستی

ہے غم زندگی کی دوا دوستی

ناتواں خود کو محسوس جب بھی کیا

تو نے بخشا مجھے حوصلہ دوستی

دیکھ کر جس کو لگتی ہے دنیا حسیں

ہے محبت کا وہ آئنہ دوستی

روشنی کا سفر یا اندھیرے کا ہو

ہر سفر میں رہی ہم نوا دوستی

لاکھوں احساں ہیں تیرے مری ذات پر

حق ترا کس طرح ہو ادا دوستی

جس سے عالمؔ مہکتا ہے میرا وجود

خوشبوؤں کی ہے ایسی فضا دوستی

kya bataun kisi ko hai kya dosti

hai gham-e-zindagi ki dawa dosti

natawan khud ko mahsus jab bhi kiya

tu ne bakhsha mujhe hausla dosti

dekh kar jis ko lagti hai duniya hasin

hai mohabbat ka wo aina dosti

raushni ka safar ya andhere ka ho

har safar mein rahi ham nawa dosti

lakhon ehsan hain tere miri zat par

haq tira kis tarah ho ada dosti

jis se alam mahakta hai mera wajud

khushbuon ki hai aisi faza dosti