جاتے جاتے گلے یہ غم پڑ جاتا ہے

جاتے جاتے گلے یہ غم پڑ جاتا ہے

اچھا خاصا بندہ کم پڑ جاتا ہے

ناز و ادا سے چلنے والا کیا جانے

دل کی زمیں پہ نقش قدم پڑ جاتا ہے

سنتے ہیں مظلوم کی آہ و زاری سے

ظالم کی تقدیر میں خم پڑ جاتا ہے

چاہے جتنا بھی سامان کیا جائے

کچھ نہ کچھ تو پھر بھی کم پڑ جاتا ہے

شامل ہو جب تیرے لہجے میں تلخی

یوں لگتا ہے شہد میں سم پڑ جاتا ہے

چلنے لگتی ہے جب بات محبت کی

بیچ میں کوئی اہل ستم پڑ جاتا ہے

jate jate gale ye gham par jata hai

achchha khasa banda kam par jata hai

naz-o-ada se chalne wala kya jane

dil ki zamin pe naqsh-e-qadam par jata hai

sunte hain mazlum ki ah-o-zari se

zalim ki taqdir mein kham par jata hai

chahe jitna bhi saman kya jae

kuchh na kuchh to phir bhi kam par jata hai

shamil ho jab tere lahje mein talkhi

yun lagta hai shahd mein sam par jata hai

chalne lagti hai jab bat mohabbat ki

bich mein koi ahl-e-sitam par jata hai