اس نے دیکھا ادھر زیادہ دیر
Badr Muneerاس نے دیکھا ادھر زیادہ دیر
کیوں نہ رہتا اثر زیادہ دیر
ساری دنیا تھی گوش بر آواز
کیسے چھپتی خبر زیادہ دیر
دل پہ دیتا رہا کوئی دستک
ہم نے کر دی مگر زیادہ دیر
صرف اخلاص ہو تو چلتا ہے
دوستی کا سفر زیادہ دیر
جسم بے جان ہو تو پھر کیسے
ساتھ دیں بال و پر زیادہ دیر
اس کے چہرے کی تابناکی پر
کیسے رکتی نظر زیادہ دیر
us ne dekha idhar ziyada der
kyun na rahta asar ziyada der
sari duniya thi gosh bar awaz
kaise chhupti khabar ziyada der
dil pe deta raha koi dastak
ham ne kar di magar ziyada der
sirf ikhlas ho to chalta hai
dosti ka safar ziyada der
jism-e-be jan ho to phir kaise
sath den bal-o-par ziyada der
us ke chehre ki tabnaki par
kaise rukti nazar ziyada der