راز کو اپنے دل میں رکھو

راز کو اپنے دل میں رکھو

دنیا کو مشکل میں رکھو

سوچیں ہوں پرواز میں لیکن

جڑوں کو آب و گل میں رکھو

حسن اگر ہے بے پایاں تو

اس کو آنکھ کے تل میں رکھو

اس کی یاد کے اجیاروں کو

اشکوں کی جھلمل میں رکھو

اس مہتاب صفت صورت کو

سپنوں کی محفل میں رکھو

ماضی کو چھوڑو ماضی میں

حال کو مستقبل میں رکھو

اچھے یار اور ان کی یادیں

جیون کے حاصل میں رکھو

raz ko apne dil mein rakho

duniya ko mushkil mein rakho

sochen hun parwaz mein lekin

jaron ko ab-o-gul mein rakho

husn agar hai be payan to

us ko ankh ke til mein rakho

us ki yad ke ajiarron ko

ashkon ki jhilmil mein rakho

is mahtab sifat surat ko

sapnon ki mahfil mein rakho

mazi ko chhoro mazi mein

hal ko mustaqbil mein rakho

achchhe yar aur un ki yaden

jiwan ke hasil mein rakho