کون دے گا ترے کوچے میں صدا میرے بعد

کون دے گا ترے کوچے میں صدا میرے بعد

سر کو پٹخے گی ترے در پہ ہوا میرے بعد

جو بھی کہنا ہے وہ کہہ دے دم رخصت ظالم

رہ نہ جائے ترے ہونٹوں پہ گلہ میرے بعد

اب یہی سوچ کے میں ضبط کئے بیٹھا ہوں

کیا کسی آنکھ سے برسے گی گھٹا میرے بعد

شاخ لرزیدہ سے پتوں کے بچھڑنے کا سماں

کون دیکھے گا تماشا یہ بھلا میرے بعد

میرے تو وہم و گماں میں بھی نہیں تھا یہ منیرؔ

خود سے ہو جائے گا وہ شخص جدا میرے بعد

kaun dega tire kuche mein sada mere baad

sar ko patkhegi tire dar pe hua mere baad

jo bhi kahna hai wo kah de dam-e-rukhsat zalim

rah na jae tire honton pe gila mere baad

ab yahi soch ke main zabt kiye baitha hun

kya kisi ankh se barsegi ghata mere baad

shakh-e-larzida se patton ke bichharne ka saman

kaun dekhega tamasha ye bhala mere baad

mere to wahm-o-guman mein bhi nahin tha ye munir

khud se ho jaega wo shakhs juda mere baad