تم یہ کہتے ہو میں لکھ دوں ایک پیچیدہ کتاب

تم یہ کہتے ہو میں لکھ دوں ایک پیچیدہ کتاب

کس نے مانگا ہے سمندر سے یوں موجوں کا حساب

کب تلک تم حال دل اپنا چھپاؤ گے یہاں

اس رخ نازک پہ لے اک مسکراہٹ کا حجاب

خار و خس کی اوٹ میں بھی کھل اٹھا تھا ایک پھول

کچھ کنول کی نازکی تھی کچھ تھا انداز گلاب

کیوں اچانک زیست کی محفل ہوئی ہے سوگوار

کس کی آمد سے ہوا لطف چمن زیر عتاب

یا تو دشت عشق میں چشمہ مروت کا بہا

یا وہ صحرائے محبت کا تھا اک سنگیں سراب

کچھ تو مہکی ہیں فضائیں کچھ ہوا بھی مہرباں

ہاں مگر دل پر بہار دل نشیں مثل عذاب

ہاں ضرورت ہے تری ماہمؔ اماوس میں بھی آج

ہیں ستارے بھی پریشاں شب کی حالت بھی خراب

tum ye kahte ho main likh dun ek pechida kitab

kis ne manga hai samundar se yun maujon ka hisab

kab talak tum hal-e-dil apna chhupaoge yahan

us rukh-e-nazuk pe le ik muskurahat ka hijab

khar-o-khas ki ot mein bhi khul utha tha ek phul

kuchh kanwal ki nazuki thi kuchh tha andaz-e-gulab

kyun achanak zist ki mahfil hui hai sogwar

kis ki amad se hua lutf-e-chaman zer-e-itab

ya to dasht-e-ishq mein chashma murawwat ka baha

ya wo sahra-e-mohabbat ka tha ik sangin sarab

kuchh to mahki hain fazaen kuchh hua bhi mehrban

han magar dil pur bahar-e-dil nashin misl-e-azab

han zarurat hai tiri maham amawas mein bhi aj

hain sitare bhi pareshan shab ki halat bhi kharab