جب مکینوں کو مکیں آرام دے سکتے نہیں

جب مکینوں کو مکیں آرام دے سکتے نہیں

چار دیواری کو گھر کا نام دے سکتے نہیں

زندگی نے بخش دی ہے وہ عدیم الفرصتی

اب تو خود کو اپنے صبح و شام دے سکتے نہیں

شامت اعمال سے ہم پر مسلط ہو گیا

ہم امیر شہر کو الزام دے سکتے نہیں

دوستو کرتے رہیں گے آپ کے حق میں دعا

اور تو خدمت کوئی انجام دے سکتے نہیں

پل رہے ہیں کتنے بچے روکھی سوکھی پر منیرؔ

ہم انہیں چلغوزہ و بادام دے سکتے نہیں

jab makinon ko makin aram de sakte nahin

char diwari ko ghar ka nam de sakte nahin

zindagi ne bakhsh di hai wo adim alfursati

ab to khud ko apne subh-o-sham de sakte nahin

shamat-e-aamal se ham par musallat ho gaya

ham amir-e-shahr ko ilzam de sakte nahin

dosto karte rahenge ap ke haq mein dua

aur to khidmat koi anjam de sakte nahin

pal rahe hain kitne bachche rukhi sukhi par munir

ham unhen chilghoza-o-badam de sakte nahin