سینے میں جو ہے درد کا دریا نہیں اترا

سینے میں جو ہے درد کا دریا نہیں اترا

لیکن مری امید کا چہرہ نہیں اترا

انجانے میں اک بار کوئی بھول ہوئی تھی

اب تک مرے احباب کا غصہ نہیں اترا

سرمایۂ جاں ہاتھ سے جاتا رہا لیکن

اس عشق جنوں خیز کا قرضہ نہیں اترا

بتلاتی ہے یہ نقش کف پا کی روانی

میں دشت تمنا میں اکیلا نہیں اترا

کوشش تو مرے ذوق تجسس نے بہت کی

لیکن کسی چہرے سے بھی چہرہ نہیں اترا

کچرے سے اٹھائی جو کسی طفل نے روٹی

پھر حلق سے میرے کوئی لقمہ نہیں اترا

sine mein jo hai dard ka dariya nahin utra

lekin miri ummid ka chehra nahin utra

anjane mein ik bar koi bhul hui thi

ab tak mire ahbab ka ghussa nahin utra

sarmaya-e-jan hath se jata raha lekin

is ishq-e-junun khez ka qarza nahin utra

batlati hai ye naqsh-e-kaf pa ki rawani

main dasht-e-tamanna mein akela nahin utra

koshish to mire zauq-e-tajassus ne bahut ki

lekin kisi chehre se bhi chehra nahin utra

kachre se uthai jo kisi tifl ne roti

phir halq se mere koi luqma nahin utra