پڑ جاتے ہیں کتنے چھالے ہاتھوں میں

پڑ جاتے ہیں کتنے چھالے ہاتھوں میں

آتے ہیں پھر چند نوالے ہاتھوں میں

یہ تو آنے والا وقت بتائے گا

کیا لکھا ہے مہندی والے ہاتھوں میں

کچھ تو اپنی خاطر کرنا پڑتا ہے

پتھر ہوں جب دیکھے بھالے ہاتھوں میں

ہم بھی اپنی کوشش کا آغاز کریں

ہاتھ کوئی تو آ کر ڈالے ہاتھوں میں

اور نہیں تو بس اک روشن سی امید

ایسا کچھ اسباب اٹھا لے ہاتھوں میں

par jate hain kitne chhale hathon mein

ate hain phir chand niwale hathon mein

ye to ane wala waqt bataega

kya likha hai mehndi wale hathon mein

kuchh to apni khatir karna parta hai

patthar hun jab dekhe bhale hathon mein

ham bhi apni koshish ka aghaz karen

hath koi to a kar dale hathon mein

aur nahin to bas ik raushan si ummid

aisa kuchh asbab utha le hathon mein