اپنی باتوں میں جو سادہ نظر آتا ہے مجھے

اپنی باتوں میں جو سادہ نظر آتا ہے مجھے

خود میں وہ حد سے زیادہ نظر آتا ہے مجھے

اور تو کچھ بھی نہیں رخت سفر میں شامل

ایک بس اپنا ارادہ نظر آتا ہے مجھے

یہ مرے سامنے رکھی ہے جو محلوں کی قطار

اپنا دل ان سے کشادہ نظر آتا ہے مجھے

پھر مرے پاؤں میں آ جاتا ہے چکر کوئی

پھر ترے شہر کا جادہ نظر آتا ہے مجھے

جب الٹتی ہے کسی دور میں جیون کی بساط

شاہ بھی کوئی پیادہ نظر آتا ہے مجھے

apni baton mein jo sada nazar ata hai mujhe

khud mein wo had se ziyada nazar ata hai mujhe

aur to kuchh bhi nahin rakht-e-safar mein shamil

ek bas apna irada nazar ata hai mujhe

ye mire samne rakhi hai jo mahlon ki qatar

apna dil un se kushada nazar ata hai mujhe

phir mire paon mein a jata hai chakkar koi

phir tire shahr ka jada nazar ata hai mujhe

jab ulatti hai kisi daur mein jiwan ki bisat

shah bhi koi piyada nazar ata hai mujhe