حدت و حبس پہ تنقید نہیں کر سکتے

حدت و حبس پہ تنقید نہیں کر سکتے

کیوں ہم ایسا مرے خورشید نہیں کر سکتے

کرنی پڑ جائے وضاحت پہ وضاحت لیکن

ہم تری بات کی تردید نہیں کر سکتے

جب ترا سامنا ہوتا ہے تو اے سحر جمال

عرض کر سکتے ہیں تاکید نہیں کر سکتے

مثل اوراق پریشاں ہے کتاب ہستی

جو محبت کی حقیقت سے کریں صرف نظر

وہ کبھی عہد کی تجدید نہیں کر سکتے

زہر پینا تو بڑی دور کا قصہ ہے منیرؔ

لوگ سچائی کی تائید نہیں کر سکتے

hiddat-o-habs pe tanqid nahin kar sakte

kyun ham aisa mire khurshid nahin kar sakte

karni par jae wazahat pe wazahat lekin

ham tiri bat ki tardid nahin kar sakte

jab tira samna hota hai to ai sehr jamal

arz kar sakte hain takid nahin kar sakte

misl-e-auraq-e-pareshan hai kitab-e-hasti

jo mohabbat ki haqiqat se karen sirf-e-nazar

wo kabhi ahd ki tajdid nahin kar sakte

zahr pina to bari dur ka qissa hai munir

log sachchai ki taid nahin kar sakte