ہمارے ساتھ جو یہ کار زندگانی ہے

ہمارے ساتھ جو یہ کار زندگانی ہے

کسی بھٹکتی ہوئی روح کی کہانی ہے

کہیں گے لاکھ مگر مانتی نہیں دنیا

ہمارا حاصل گفتار رائیگانی ہے

بدن خدا نے تراشا ہے اور لفظوں میں

جو نقش ہم نے ابھارا ہے نقش ثانی ہے

یہ اضطراب اچانک نہیں ملا دل کو

کسی اداس ملاقات کی نشانی ہے

برس رہے ہیں جو بادل انہیں کہاں معلوم

ہماری آنکھ میں صحرا کی حکمرانی ہے

کچھ ایسے لوگ بھی ہیں عمر کے تسلسل میں

کہ جن کے دم سے مرے سانس میں روانی ہے

hamare sath jo ye kar zindagani hai

kisi bhatakti hui ruh ki kahani hai

kahenge lakh magar manti nahin duniya

hamara hasil guftar raigani hai

badan khuda ne tarasha hai aur lafzon mein

jo naqsh ham ne ubhara hai naqsh-e-sani hai

ye iztirab achanak nahin mila dil ko

kisi udas mulaqat ki nishani hai

baras rahe hain jo badal unhen kahan maalum

hamari ankh mein sahra ki hukmarani hai

kuchh aise log bhi hain umr ke tasalsul mein

ke jin ke dam se mire sans mein rawani hai